ایف آئی اے بلوچستان زون کی کارروائیاں،حوالہ ہنڈی اور غیر قانونی کرنسی ایکسچینج میں ملوث 5 ملزمان گرفتار

اتوار 27 جولائی 2025 16:55

کوئٹہ (اُردو پوائنٹ اخبارتازہ ترین - این این آئی۔ 27 جولائی2025ء) ایف آئی اے بلوچستان زون کی کاروائیاںحوالہ ہنڈی اور غیر قانونی کرنسی ایکسچینج میں ملوث 5 ملزمان گرفتار، پاکستانی اور غیر ملکی کرنسی ، چیک بکس رسیدیں برآمدکرلی گئیں۔

(جاری ہے)

ترجمان ایف آئی اے کے مطابق ڈی جی ایف آئی اے رفعت مختار راجہ کی ہدایت پر حوالہ ہنڈی اور غیر قانونی کرنسی ایکسچینج میں ملوث نیٹ ورکس کے گرد گھیرا تنگ کردیا گیا ہے ایف آئی اے نے چھاپہ مار کاروائیوں میں کوئٹہ اور چمن کے مختلف علاقوں سے 5ملزمان اکمل خان، سیف اللہ، بشیر احمد، عبدالقیوم اور عبداللہ کو گرفتار کر کے 6 لاکھ 84 ہزار پاکستانی روپے جبکہ غیر ملکی کرنسی کی مد میں 230.5 ملین ایرانی ریال ، 1لاکھ 35 ہزار سے زائد افغانی ،700 امریکی ڈالر ، 200 سعودی ریال اور 150 آسٹریلین ڈالر برآمد کر لیے ۔

ترجمان کے مطابق ملزمان کے قبضے سے چیک بکس، حوالہ ہنڈی سے متعلق رسیدیں اور بینک ڈیپازٹ سلپس بھی برآمد کی گئیں ۔ ترجمان کے مطابق ملزمان بغیر لائسنس کرنسی کی ایکسچینج میں ملوث تھے ملزمان برآمد ہونے والی کرنسی کے حوالے سے حکام کو تسلی بخش جواب نہ دے سکے ملزمان کو گرفتار کر کے تفتیش کا آغاز کر دیا گیا ہے ۔