ریجنٹ پلازہ کے رہائشی آکاش کھتری نے دریائے سندھ میں چھلانگ لگا کر خودکشی کر لی

اتوار 27 جولائی 2025 21:20

سکھر(اُردو پوائنٹ اخبارتازہ ترین - این این آئی۔ 27 جولائی2025ء)ریجنٹ پلازہ کے رہائشی آکاش کھتری نے دریائے سندھ میں چھلانگ لگا کر خودکشی کر لی ، اطلاع پر گھر میں کہرام ، نعش کی تلاش کیلئے ریسکیو جاری ، تفصیلات کے مطابق سکھر کے علاقے ریجنٹ پلازہ کے رہائشی ہندہ نوجوان آکاش کمار کھتری نے گذشتہ روز اپنے معصوم بیٹے کے ہمراہ تھرمل کالونی بندر روڈ پہنچ کر بیٹے کو رام رام کر تے ہوئے دریائے سندھ مین چھلانگ لگا کر خودکشی کر لی ، مقامی افراد نے جائے وقوعہ پر پہنچ کر اس کی اطلاع فوری ریسکیو رائع کو دی تاہم نعش پانی کے تیز بھائو میں آگے نکل گئی جس کی تلاش کا سلسلہ جاری ہے ، پولیس کے مطابق واقعہ کی تفتیش کررہے ہیں جلد حقائق سامنے آئینگے دوسری جانب اطلاع ملنے پر آکاش کمار کھتری کے گھر میں کہرام مچ گیا اور پلازہ میں سوگ کی فضاء پھیل گئی ہے۔