مسلح شخص کی فائرنگ سے نیویارک پولیس افسر سمیت 4 شہری ہلاک

منگل 29 جولائی 2025 15:55

نیویارک(اُردو پوائنٹ اخبارتازہ ترین - این این آئی۔ 29 جولائی2025ء)امریکا کی ریاست نیویارک میں مسلح شخص نے فائرنگ کرکے پولیس افسر سمیت 4 شہریوں کو ہلاک کردیا۔

(جاری ہے)

مڈٹاون مین ہٹن میں پیش آئے اس واقعے میں ایک شہری کی حالت تشویش ناک ہے جبکہ ایک پولیس افسر اور دوسرے شہری کو کمر میں گولیاں لگیں تاہم ان کی حالت خطرے سے باہر ہے۔پولیس کمشنر کا کہنا تھا کہ حملہ آور تنہا تھا۔ مسلح شخص ستائیس برس کا لاس ویگاس کا رہائشی نکلا۔ ملزم کا مجرمان پس منظر نہیں تھا۔ وہ ہوائی میں پیدا ہوا اور نیواڈا منتقل ہوگیا تھا۔ اس کے پاس ہینڈ گن کا لائسنس تھا اور پرائیویٹ تفتیش کار کا بھی لائسنس تھا جس کی مدت ختم ہوچکی تھی۔