چین، شدید بارشوں اور سیلاب سے 30 افراد ہلاک

ریسکیو آپریشن تیز کیا جائے تاکہ زیادہ سے زیادہ لوگوں کو بچایا جاسکے،چینی صدر

منگل 29 جولائی 2025 15:55

بیجنگ(اُردو پوائنٹ اخبارتازہ ترین - این این آئی۔ 29 جولائی2025ء)چین کے دارالحکومت بیجنگ میں شدید بارشوں اور سیلاب سے 30 افراد ہلاک ہوگئے۔میڈیارپورٹس کے مطابق ہلاکتوں کی سب سے زیادہ تعداد شہر کے شمال مشرقی مضافاتی ضلع می ین میں ریکارڈ کی گئی۔

(جاری ہے)

برطانوی خبر رساں اداروں کے مطابق شمالی علاقوں میں بارشوں کے باعث 80 ہزار لوگ نقل مکانی پر مجبور ہوگئے ۔برطانوی میڈیا کے مطابق ریسکیو حکام نے کئی لوگوں کو محفوظ مقامات پر پہنچانا شروع کردیا ہے، سیلاب کی وجہ سے متعدد سڑکیں بند اور کئی دیہاتوں کو بجلی کی سپلائی معطل ہے۔چینی صدر شی جن پنگ نے حکم دیا کہ ریسکیو آپریشن تیز کیا جائے تاکہ زیادہ سے زیادہ لوگوں کو بچایا جاسکے۔