خیرپور: ٹرالر نے سڑک کنارے سوئے مزدوروں کو کچل دیا، 3 جاں بحق

جمعہ 1 اگست 2025 11:45

خیرپور(اُردو پوائنٹ اخبارتازہ ترین - این این آئی۔ 01 اگست2025ء)قومی شاہراہ پر ٹریلر نے سڑک کے کنارے سوئے مزدوروں کو کچل دیا جس کے نتیجے میں 3 مزدور جان کی بازی ہار گئے۔تفصیلات کے مطابق خیرپور ببرلو کے قریب قومی شاہراہ پر ایک افسوسناک حادثہ پیش آیا ہے جہاں ٹرالر نے سڑک کنارے سوئے مزدوروں کو کچل دیا۔

(جاری ہے)

پولیس حکام کے مطابق افسوسناک حادثے میں 3 مزدور موقع پر جاں بحق جبکہ 4 زخمی ہوگئے، زخمی مزدوروں کو تشویشناک حالت میں سول سپتال منتقل کر دیا گیا ہے۔پولیس حکام نے بتایا کہ جاں بحق تینوں مزدوروں کا تعلق شکارپور سے ہے اور کھجور کی مزدوری کیلئے آئے تھے۔ جبکہ یہ حادثہ تیز رفتاری کے باعث پیش آیا، ڈرائیور فرار ہوگیا تاہم ٹریلر تحویل میں لے لیا گیا ہے۔