روس کا کیف پر فضائی حملہ، 14 افراد ہلاک

صدر ولادیمیر زیلنسکی نے روسی حملے کو دہشت گردی قرار دے دیا

جمعہ 1 اگست 2025 17:14

کیف (اُردو پوائنٹ اخبارتازہ ترین - این این آئی۔ 01 اگست2025ء)یوکرین کے دارالحکومت کیف پر روس نے فضائی حملہ کردیا جس کے نتیجے میں 14 افراد ہلاک اور بچوں سمیت 145 زخمی ہوگئے۔

(جاری ہے)

یوکرینی حکام کے مطابق روس نے کیف کے علاقے کراماٹورک میں رہائشی اپارٹمنٹ کو نشانہ بنایا جس سے گاڑیوں کو بھی نقصان پہنچا۔روسی حملے کے بعد یوکرینی حکام نے امدادی کارروائیاں شروع کردیں۔کئی لوگ ملبے تلے دبے ہوئے ہیں۔ صدر ولادیمیر زیلنسکی نے روسی حملے کو دہشت گردی قرار دیا۔ان کا کہنا تھا کہ روس نے کیف پر میزائلوں اور ڈرونز سے حملہ کیا جو قابل مذمت ہے۔