وزیراعلیٰ مریم نواز کا رحیم یار خان میں پولیس چوکی پرحملے میں 5 ایلیٹ فورس جوانوں کی شہادت پراظہارافسوس

جمعہ 1 اگست 2025 19:41

لاہور (اُردو پوائنٹ اخبارتازہ ترین - این این آئی۔ 01 اگست2025ء) وزیر اعلیٰ پنجاب مریم نواز شریف نے رحیم یار خان کے علاقے شیخانی پولیس چوکی پر کچے کے ڈاکوئوںکے حملے میں 5 ایلیٹ فورس جوانوں کی شہادت پر گہرے دکھ کا اظہار کیا ہے۔ وزیر اعلیٰ مریم نواز شریف نے رحیم یار خان میں شہید اہلکاروں کی قربانی کو خراجِ عقیدت پیش کیا ہے۔

(جاری ہے)

وزیر اعلیٰ مریم نواز شریف نے شہید اہلکاروں محمد عرفان، محمد سلیم، نخیل، خلیل اور غضنفر کے اہلِ خانہ سے ہمدردی اور تعزیت کا اظہار کیا ہے۔

وزیراعلیٰ مریم نواز شریف نے کہا کہ کچے کے ڈاکوؤں کے خلاف آپریشن کو انجام تک پہنچانے کے لئے پر عزم ہیں۔ دہشت گردوں اور جرائم پیشہ عناصر کے خلاف آپریشن پوری قوت سے جاری رہے گا۔وزیراعلیٰ مریم نواز شریف نے کہا کہ پنجاب پولیس کے جوانوں نے جانوں کا نذرانہ دے کر عوام کی حفاظت کا حق ادا کیا۔پولیس شہدا کے خاندانوں کو تنہا نہیں چھوڑا جائے گا ،حکومت پنجاب ہمیشہ ساتھ ہے ۔