راولپنڈی پولیس کی جانب سے شہر کے مختلف علاقوں میں مؤثر سرچ آپریشن

ہفتہ 2 اگست 2025 22:08

راولپنڈی (اُردو پوائنٹ اخبارتازہ ترین - اے پی پی۔ 02 اگست2025ء) سی پی او سید خالد ہمدانی کی ہدایت پر راولپنڈی پولیس کی جانب سے شہر کے مختلف علاقوں میں مؤثر سرچ آپریشن کیا گیا۔ سرچ آپریشن کے دوران گھروں، دکانوں، ہوٹلز اور دیگر مقامات کی تلاشی لی گئی اور مشتبہ افراد کے کوائف کا اندراج کیا گیا۔

(جاری ہے)

ترجمان پولیس کے مطابق سرچ آپریشن تھانہ صادق آباد، نیوٹاؤن، بنی، وارث خان، سٹی، گنجمنڈی، رتہ امرال اور پیرودہائی کے علاقوں میں کیا گیا جس میں مقامی پولیس، ایلیٹ فورس، لیڈیز پولیس اور دیگر قانون نافذ کرنے والے ادارے شریک تھے۔

کارروائی کے دوران 111 گھروں، 90 دکانوں، 46 ہوٹلز، 2 گوداموں، 73 موٹرسائیکلوں اور 343 سے زائد افراد کے کوائف چیک کیے گئے۔ پولیس حکام کا کہنا ہے کہ اس آپریشن کا مقصد جرائم پیشہ عناصر کی شناخت اور گرفتاری ہے۔ ڈویژنل ایس پیز نے بتایا کہ نیشنل ایکشن پلان کے تحت سرچ آپریشنز کا سلسلہ مستقبل میں بھی جاری رہے گا تاکہ امن و امان کی صورتحال کو برقرار رکھا جا سکے۔