چینی کی قیمتوں میں مصنوعی اضافے اور قلت پیدا کرنیوالوں کیخلاف کارروائیاں،73دکاندار گرفتار،مقدمات درج اور جرمانے

اتوار 3 اگست 2025 22:10

لاہور (اُردو پوائنٹ اخبارتازہ ترین - اے پی پی۔ 03 اگست2025ء) چینی کی فروخت میں ناجائز منافع خوری اور ذخیرہ اندوزی پر زیرو ٹالرنس پالیسی ہے،چینی کی قیمتوں میں مصنوعی اضافے اور قلت پیدا کرنے والوں کے خلاف کریک ڈائوں تیز کر دیا گیا ہے۔

(جاری ہے)

ترجمان پرائس کنٹرول اینڈ کماڈیٹیز مینجمنٹ ڈیپارٹمنٹ کے مطابق گزشتہ 24گھنٹوں کے دوران 986دکانداروں کیخلاف چینی کی قیمتوں میں ناجائز منافع خوری پر کارروائیاں کی گئیں، پنجاب بھر میں 73افراد گرفتار، 22کیخلاف مقدمات درج جبکہ 913افراد کو جرمانے عائد کیے گئے،اب تک 25ہزار 947افراد کیخلاف کارروائیوں میں 1704افراد گرفتار، 265کیخلاف مقدمات درج کروائے جاچکے ہیں۔

لاہور ڈویژن میں 162گراں فروشوں کیخلاف کارروائیاں، 5افراد گرفتار کیے گئے، گوجرانولہ ڈویژن میں 317اور فیصل آباد میں 129دوکانداروں کیخلاف چینی کے نرخوں کی خلاف ورزی پر کارروائیاں کی گئیں۔ ساہیوال ڈویژن میں 13، سرگودھا 22 جبکہ راولپنڈی میں 74گراں فروشوں کیخلاف کارروائیاں کی گئیں، بہاولپور ڈویژن میں 102،ڈی جی خان 59 جبکہ ملتان میں 108چینی گراں فروشوں کیخلاف کارروائیاں کی گئیں،ترجمان پرائس کنٹرول کا کہنا تھا کہ چینی کی قیمتوں میں مصنوعی اضافے اور قلت پیدا کرنیوالوں کیخلاف کریک ڈائون تیز کر دیا گیا ہے۔