ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی کینیڈین اوپن ٹینس ویمنز ڈبلز مقابلوں کے سیمی فائنل میں داخل

پیر 4 اگست 2025 16:39

مونٹریال(اُردو پوائنٹ اخبارتازہ ترین - این این آئی۔ 04 اگست2025ء)امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی ڈبلیو ٹی اے کینیڈین ا وپن ٹینس ٹورنامنٹ میں خواتین کے ڈبلز مقابلوں کے سیمی فائنل میں پہنچ گئی۔ٹیلر ٹاؤن سینڈ اور شوئی ژانگ پر مشتمل تھرڈسیڈڈ جوڑی نے ویمنز ڈبلز کے کوارٹر فائنل رائونڈ میچ میں چائینز تائپے کی ٹینس کھلاڑی چان ہاؤ چنگ اور ان کی چین کی جوڑی دار جیانگ ژنیو کو شکست دی۔

(جاری ہے)

کینیڈین اوپن ٹینس ٹورنامنٹ کے کانٹے دار مقابلوں کا سلسلہ کینیڈا میں جاری ہے۔آئی جی اے سٹیڈیم مونٹریال میں کھیلے گئے خواتین کے ڈبلز مقابلوں کے کوارٹر فائنل رائونڈ میچ میں امریکا کی ٹینس کھلاڑی ٹیلر ٹاؤن سینڈ اور ان کی چین کی جوڑی دار شوئی ژانگ پر مشتمل تھرڈسیڈڈ جوڑی نے شاندار کارکردگی کا مظاہرہ کرتے ہوئے چائینز تائپے کی ٹینس کھلاڑی چان ہاؤ چنگ اور ان کی چین کی جوڑی دار جیانگ ژنیو کو سٹریٹ سیٹس میں 2-6 اور0-6 سے شکست دے کر سیمی فائنل رائونڈ کے لئے کوالیفائی کرلیا،جہاں ان کا مقابلہ کیرولین ڈولہائیڈ اور ان کی ہم وطن جوڑی دار صوفیہ کینن پر مشتمل امریکی جوڑی سے ہوگا۔