ایل ڈی اے، نادہندگان املاک کے خلاف بلاامتیاز کارروائیاں جاری،املاک سربمہر

پیر 4 اگست 2025 18:06

لاہور (اُردو پوائنٹ اخبارتازہ ترین - اے پی پی۔ 04 اگست2025ء) ڈی جی ایل ڈی اے طاہر فاروق کی ہدایات پر ایل ڈی اے ٹاون پلاننگ ونگ غیرقانونی کمرشل عمارتوں، کمرشل فیس نادہندگان املاک کے خلاف متحرک ہے۔ایل ڈی اے ٹیموں نے مختلف سکیموں اور ایل ڈی اے کنٹرولڈ ایریا میں آپریشن کرکے149املاک سربمہرکر دیں۔ایل ڈی اے ٹیموں نے گلبرگ، گارڈن ٹاون، فیصل ٹاون،گلشن راوی، سمن آباد، شادبا غ، وحدت روڈ، سبزہ زاراورجوہر ٹاون میں آپریشن کیا۔

غیرقانونی کمرشل استعمال، کمرشل فیس کی عدم ادائیگی پرگلبرگ، گارڈن ٹاون، فیصل ٹاون میں 33املاک سیل کر دیں۔ غیر قانونی کمرشل استعمال پر گلشن راوی، سمن آباد، شادبا غ میں 18املاک سربمہر کر دیں۔ ٹیموں نے ریکوری آپریشن کے دوران وحدت روڈ، سبزہ زار میں 26املاک سیل کر دیں۔

(جاری ہے)

ایل ڈی اے ٹیموں نے خیابان جناح روڈ، جوہر ٹاون میں کمرشل فیس کی عدم ادائیگی پر 72املاک سربمہر کر دیں۔

سیل کی گئی املاک میں نجی بینک، نجی سکول، کلینک، فوڈ پوائنٹ، لیب، ہوٹل، فارمیسی، بیکری، شوز شاپ،کلاتھ شاپ،ورکشاپ، دکانیں، دفاتر ودیگر شامل ہیں۔آپریشن چیف ٹاون پلانر ون اسد الزمان اور چیف ٹاون پلانر ٹو اظہر علی کی زیر نگرانی کیا گیا۔ڈی جی ایل ڈی اے کی ہدایت پر غیرقانونی کمرشل عمارتوں، کمرشل فیس نادہندگان املاک کے خلاف بلاامتیاز کارروائیاں جاری ہیں۔