ایران نئے خطرات سے نمٹنے کیلئے دفاعی کونسل بنانے کیلئے تیار

نئے ابھرتے خطرات سے نمٹنے کے لیے ایک اسٹریجک قدم اٹھایا گیا ،رپورٹ

منگل 5 اگست 2025 17:02

تہران (اُردو پوائنٹ اخبارتازہ ترین - این این آئی۔ 05 اگست2025ء)ایرانی سپریم لیڈر آیت اللہ خامنہ ای نے ایران کو درپیش نئے خطرات سے نمٹنے کے لیے نئی دفاعی کونسل کے قیام کی منظوری دے دی۔ایرانی میڈیا کے مطابق ایران کی جانب سے نئے ابھرتے خطرات سے نمٹنے کے لیے ایک اسٹریجک قدم اٹھایا گیا ہے، ایران کے دستور کے آرٹیکل 176 کے مطابق ایک دفاعی کونسل کا قیام عمل میں لایا جائے گا۔

(جاری ہے)

یہ کونسل دفاعی حکمت عملی اور فوجی صلاحیت میں بہتری کے لیے نظر ثانی کرے گی۔اس کونسل کے مقاصد میں مسلح افواج کے درمیان بہتر ربط قائم کرنا اور مشترکہ فیصلہ سازی کے ڈھانچے کی تشکیل بھی ہے۔نئے ابھرتے چیلنجز جن میں فوجی، سائبر اور دہشت گردی کے خطرات شامل ہیں، ان ممکنہ خطرات سے نمٹنے کے لیے اس کونسل کی ضرورت محسوس کی جارہی تھی، جو خطرات کا تجزیہ اور جائزہ لینے کے بعد مناسب حل فراہم کرسکے۔ایرانی رہبر اعلی آیت اللہ علی خامنہ ای نے نئی دفاعی کونسل کی منظوری دے دی ہے۔