امریکی ریاست کیلیفورنیا کے جنگل میں آگ لگ گئی، 3 زخمی

وسطی کیلیفورنیا میں آگ لگنے سے سیکڑوں مکانات کے جل جانے کا بھی خطرہ

منگل 5 اگست 2025 17:02

کیلی فورنیا(اُردو پوائنٹ اخبارتازہ ترین - این این آئی۔ 05 اگست2025ء)امریکی ریاست کیلیفورنیا کے وسطی جنگلات میں لگنے والی آگ قابو سے باہر ہوگئی ہے، آگ سے جھلس کر 3 افراد کے زخمی ہونے کی بھی اطلاعات ہیں۔غیر ملکی میڈیا کے مطابق وسطی کیلیفورنیا میں آگ لگنے سے سیکڑوں مکانات کے جل جانے کا خطرہ پیدا ہوگیا ہے۔

(جاری ہے)

کیلیفورنیا فائر ڈیپارٹمنٹ نے بتایا کہ یہ آگ سے سانٹا بابرا اور سین لوئس اوبیسپو کانمٹیز میں 1 سو مربع میل سے زیادہ رقبے پر پھیل چکی ہے۔آگ سے زخمی ہونے والوں کے حوالے سے امریکی فاریسٹ ڈیپارٹمنٹ نے بتایا کہ آگ سے ایک کار سوار جھلس کا زخمی ہوا، جسے اسپتال منتقل کردیا گیا ہے جبکہ فائر فائٹرز کی مدد کرنے والے 2 کنٹریکٹ ملازمین بھی زخمی ہوئے ہیں۔