آئی جی پنجاب سے پولیس ملازمین اور انکے اہلخانہ کی ملاقات، ملازمین کے مسائل اور ریلیف کیلئے احکامات

منگل 5 اگست 2025 22:20

لاہور (اُردو پوائنٹ اخبارتازہ ترین - اے پی پی۔ 05 اگست2025ء) انسپکٹر جنرل پولیس پنجا ب ڈاکٹر عثمان انور سے پولیس ملازمین اور انکے اہلخانہ نے سنٹرل پولیس آفس میں ملاقات کی۔ آئی جی پنجاب نے پولیس ملازمین کے مسائل سنے اور فوری ریلیف کیلئے احکامات جاری کیے۔ تفصیلات کے مطابق، ڈی ایس پی اللہ یار سیفی کی ٹرانسفر کی درخواست پر ڈی آئی جی ہیڈ کوارٹرز پنجاب کو ریلیف کی ہدایت کی۔

سینئر کلرک فرحان احمد کی ٹرانسفر کی درخواست پر ڈی آئی جی ایس پی یو کو ریلیف کی ہدایت کی۔

(جاری ہے)

مرحوم اے ایس آئی محمد منشا کی بیوہ کی درخواست پر ڈی آئی جی ویلفیئر اینڈ فنانس کو ریلیف کی ہدایت کی۔ کانسٹیبل محمد رمضان کی درخواست پر ایڈیشنل آئی جی سی سی ڈی کو ریلیف کی ہدایت کی۔ غازی کانسٹیبل عدنان اشرف کی طبی مالی امداد کی درخواست پر ڈی آئی جی ویلفیئر اینڈ فنانس کو ریلیف کی ہدایت کی۔ ڈرائیور کانسٹیبل عمران کی والدہ کی درخواست پر ایس پی کینٹ لاہور کو ریلیف کی ہدایت کی۔کانسٹیبل محمد آصف کی طبی مالی امداد کی درخواست پر ڈی آئی جی ویلفیئر اینڈ فنانس کو ریلیف فراہم کرنے کی ہدایت کی۔