چیئرمین و ڈپٹی چیئرمین کا معروف صحافی سردار خان نیازی کی خوش دامن کے انتقال پر دلی رنج و غم کا اظہار

منگل 5 اگست 2025 23:00

اسلام آباد (اُردو پوائنٹ اخبارتازہ ترین - اے پی پی۔ 05 اگست2025ء) چیئرمین سینیٹ سید یوسف رضا گیلانی اور ڈپٹی چیئرمین سیدال خان نے معروف صحافی، چیف ایڈیٹر پاکستان گروپ آف نیوز پیپرز اور چیئرمین روز ٹی وی سردار خان نیازی کی خوش دامن کے انتقال پر دلی رنج و غم کا اظہار کیا ہے۔

(جاری ہے)

اپنے تعزیتی پیغامات میں چیئرمین و ڈپٹی چیئرمین سینیٹ نے کہا کہ وہ غم کی اس گھڑی میں سردار خان نیازی اور ان کے اہل خانہ کے ساتھ دل کی گہرائیوں سے تعزیت اور ہمدردی کا اظہار کرتے ہیں،انہوں نے دعا کی کہ اللہ رب العزت مرحومہ کو اپنی جوارِ رحمت میں اعلیٰ مقام عطا فرمائے اور پسماندگان کو یہ صدمہ صبر و استقامت سے برداشت کرنے کی توفیق دے۔