آئی سی سی نے آسٹریلوی کرکٹر ٹم ڈیوڈ پر جرمانہ عائد کر دیا

بدھ 6 اگست 2025 17:32

دبئی (اُردو پوائنٹ اخبارتازہ ترین - این این آئی۔ 06 اگست2025ء)انٹرنیشنل کرکٹ کونسل( آئی سی سی) نے آسٹریلوی کرکٹر ٹم ڈیوڈ پر جرمانہ عائد کر دیا۔آئی سی سی کی جانب سے جاری بیان کے مطابق ٹم ڈیوڈ پر 28 جولائی کو ویسٹ انڈیز کیخلاف سیریز کے پانچویں ٹی ٹوئنٹی میں کوڈ آف کنڈکٹ کی خلاف ورزی پر میچ فیس کا 10 فیصد جرمانہ عائد کیا گیا ہے۔

(جاری ہے)

ویسٹ انڈیز کے خلاف پانچویں ٹی ٹوئنٹی میں آسٹریلیا کی بیٹنگ کیدوران وائیڈ نہ دینے پر ٹم ڈیوڈ نے امپائر کے فیصلے پر ناگواری کا اظہار کیا تھا۔

آئی سی سی کے مطابق ٹم ڈیوڈ کو آئی سی سی کوڈ آف کنڈکٹ کے لیول ون کی خلاف ورزی پر جرمانہ کیا گیا۔کوڈ آف کنڈکٹ کی خلاف ورزی پر ٹم ڈیوڈ کو ایک ڈی میرٹ پوائنٹ بھی دیا گیا۔آسٹریلوی کرکٹر نے اپنی غلطی مانتے ہوئے دی گئی سزا قبول کر لی ہے۔واضح رہے کہ آسٹریلیا نے میزبان ویسٹ انڈیز کو ٹی ٹوئنٹی سیریز میں 0-5 سے شکست دی تھی۔