صوابی ، تھانہ کالوخان پولیس مقابلہ میں دو رکنی چور گروہ زخمی حالت میں گرفتار

جمعرات 7 اگست 2025 11:52

پشاور (اُردو پوائنٹ اخبارتازہ ترین - اے پی پی۔ 07 اگست2025ء) صوابی میں تھانہ کالوخان پولیس مقابلہ میں دو رکنی چور گروہ و منشیات فروش زخمی حالت میں گرفتار کرلیا گیا۔

(جاری ہے)

پولیس کے مطابق ملزمان تھانہ کالوخان کے حدود میں واردات کر رہے تھے، ڈی ایس پی سرکل رزڑ شکیل خان کے قیادت میں ایس ایچ او کالوخان عبدالولی خان بمعہ نفری پولیس بمقام اسماعیلہ نظر روڈ پہنچی تو مذکورہ ملزمان نے فرار ہونے کی کوشش کی، پولیس نے تعاقب کیا تو ملزمان نے پولیس پارٹی پر فائرنگ کردی،جوابی کارروائی میں دونوں ملزمان زخمی حالت میں بامسلح گرفتار کرلیا۔

ملزمان منشیات فروشی اور گھروں سے چوری کرنے میں ملوث تھے۔دوران کارروائی ملزمان جنید اور بلال کے قبضے سے چوری شدہ موٹرسائیکل اور واردات میں استعمال ہونے والی دو عدد پستول برآمد کرلی گئی ۔