محض انکوائری کی بنیاد پرکسی کونوکری سے برخاست نہیں کیا جاسکتا، عدالت

ہائیکورٹ نے خاتون سرکاری ملازم کی نوکری سے برخاست کرنے کے خلاف اپیل منظور کر لی

جمعرات 7 اگست 2025 13:46

محض انکوائری کی بنیاد پرکسی کونوکری سے برخاست نہیں کیا جاسکتا، عدالت

لاہور (اُردو پوائنٹ اخبارتازہ ترین - این این آئی۔ 07 اگست2025ء) لاہور ہائیکورٹ نے قرار دیا ہے کہ محض انکوائری کی بنیاد پر کسی کو نوکری سے برخاست نہیں کیا جاسکتا۔ جسٹس اویس خالد نے تسنیم کوثر کی درخواست پر 10صفحات کا تحریری فیصلہ جاری کیا۔ 16سال بعد خاتون سرکاری ملازم کی نوکری سے برخاست کرنے کے خلاف اپیل منظور کرلی گئی۔عدالت نے قرار دیا کہ محض انکوائری کی بنیاد پر کسی کو نوکری سے برخاست نہیں کیا جاسکتا۔

فئیرٹرائل کا حق دیئے بغیر کسی کو نوکری سے نہیں نکالا جاسکتا۔

(جاری ہے)

عدالت نے خاتون کو نوکری سے ہٹانے کا نوٹیفکیشن کالعدم قراردیدیا۔عدالت نے متعلقہ اتھارٹی کو درخواست گزار پر لگائے گئے الزامات کی دوبارہ انکوائری کی ہدایت کردی۔ درخواست گزار کے واجبات کی ادائیگی انکوئری کے فیصلہ سے مشروط کردی گئی۔فیصلے کے مطابق درخواست گزار کو 2009ء میں کنڈکٹ کی بنیاد پر لیب اسسٹنٹ کی نوکری سے برخاست کیا گیا۔ عدالت نے 2014ء میں درخواست گزار کو نوکری پر بحال کردیا مگر عدالتی حکم کے باوجود درخواست گزارکو بحال نہ کیا گیا اورمعطل کردیا، 2015ء میں درخواست گزارکو دوبارہ نوکری سے برخاست کردیاگیا۔ درخواست گزار پر الزام تھا کہ بھرتی کے وقت اس نے جعلی سرٹیفکیٹ جمع کرائے۔