بین الاقوامی مقابلہ برائے حفظ قرآن و تفسیر آج مکہ میں شروع ہوگا

مقابلے میں ایک سو اٹھائیس ممالک کے حفاظ کرام شریک ہونگے،عرب ٹی وی

جمعہ 8 اگست 2025 17:55

مکہ مکرمہ (اُردو پوائنٹ اخبارتازہ ترین - این این آئی۔ 08 اگست2025ء)پینتالیس ویں شاہ عبد العزیز بین الاقوامی مقابلہ برائے حفظ قرآن اور تفسیر،کل سے مکہ مکرمہ میں شروع ہوگا،مقابلے میں ایک سو اٹھائیس ممالک کے حفاظ کرام شریک ہونگے۔

(جاری ہے)

تفصیلات کے مطابق یہ مقابلہ دنیا کے سب سیباوقار بین الاقوامی قرآن مقابلوں میں سے ایک ہے جو سالانہ بنیادوں پر سعودی منسٹری آف اسلامک افیئرز کی نگرانی میں مسجد الحرام میں منعقد کیا جاتا ہے۔سعودی وزیربرائے اسلامی امورشیخ ڈاکٹرعبداللطیف بن عبدالعزیز آل الشیخ نے قرآنِ مجید اور اس کے خدمت گزاروں کی فراخ دلانہ سرپرستی پرخادم حرمین شریفین شاہ سلمان اور ولی عہد محمد بن سلمان کا شکریہ ادا کیا۔