کینیڈا کے شہر سرے میں ’خالصتان ایمبیسی‘ قائم کر دی گئی

ہفتہ 9 اگست 2025 20:53

اوٹاوہ (اُردو پوائنٹ اخبارتازہ ترین - آن لائن۔ 09 اگست2025ء)سکھوں کی عالمی تنظیم ’سِکھس فار جسٹس‘ نے گرو نانک سکھ گوردوارہ ٹیمپل کے تعاون سے کینیڈا کے شہر سرے میں ’خالصتان ایمبیسی‘ قائم کر دی۔ بھارتی میڈیا رورٹس کے مطابق سکھ کمیونٹی کے عالمی پلیٹ فارم ’سِکھس فار جسٹس‘ (ایس ایف جی) کی قیادت میں کینیڈین شہر سرے میں ’ریپبلک آف خالصتان‘ کا علامتی سفارتخانہ قائم کیا گیا ہے۔

(جاری ہے)

بین الاقوامی میڈیا کی ایک رپورٹ کے مطابق سرے میں واقع گوردوارہ ’گرو نانک سکھ‘ جس کی قیادت ماضی میں سکھ رہنما ہرپال سنگھ نجّار کے پاس تھی، اب ایک نئی علامتی سرگرمی کا مرکز بن گیا ہے۔سکھوں کی عالمی تنظیم کی جانب سے یہ اقدام ایسے وقت میں سامنے آیا ہے جب بھارت اور کینیڈا 2023ء میں ہرپال سنگھ نجّار کے قتل کے بعد پیدا ہونے والے سفارتی تعطل کو ختم کرنے کی کوشش کر رہے ہیں۔غیر ملکی میڈیا رپورٹس کے مطابق کینیڈا میں مقیم سکھ کمیونٹی کے رہنماؤں کا اس معاملے سے متعلق کہنا ہے کہ یہ اقدام ’خالصتان ریفرنڈم‘ کی تیاریوں کا حصہ ہے اور سکھ عوام کی خودارادیت کے حق کو اُجاگر کرتا ہے۔