ویسٹ انڈیز کیخلاف پہلے میچ میں شاہین آفریدی کا شاندار کیچ وائرل

ہفتہ 9 اگست 2025 21:54

ٹرینیڈاڈ(اُردو پوائنٹ اخبارتازہ ترین - آن لائن۔ 09 اگست2025ء)ویسٹ انڈیز کے خلاف پہلے ون ڈے میچ میں شاہین آفریدی کا شاندار کیچ سوشل میڈیا پر وائرل ہوگیا۔پاکستان اور ویسٹ انڈیز کے درمیان کھیلا گیا پہلا ون ڈے انٹرنیشنل پاکستان نے سنسنی خیز مقابلے کے بعد 5 وکٹ سے جیت لیا تھا۔

(جاری ہے)

اس میچ میں شاہین آفریدی نے ایک شاندار کیچ پکڑا تھا جس کے نتیجے میں ویسٹ انڈیز کے بیٹر ایون لیوس کو واپس پویلین جانا پڑا تھا۔

میچ کے 19 ویں اوور میں صائم ایوب کی گیند پر ایون لیوس نے اونچا شارٹ کھیلنے کی کوشش کی تو اس دوران شاہین آفریدی نے اپنی نظریں ہوا میں موجود گیند پر جما کر رکھیں اور کافی قدم الٹی سمت میں بھاگتے ہوئے کیچ پکڑا۔شاہین آفریدی کی اس ویڈیو اور تصاویر کو سوشل میڈیا پر کئی اکاؤنٹس سے شیئر کیا جارہا ہے جسے مداح بہت پسند کر رہے ہیں۔