ّایس پی انوسٹی گیشن صدر لاہور میاں معظم علی کی آئی جی پنجاب ڈاکٹر عثمان انور سے ملاقات

:ایس پی انوسٹی گیشن صدر معظم علی کی بیٹی ارینہ کی میٹرک کے امتحان میں اعلی کارکردگی کا مظاہرہ کیا، ترجمان پنجاب پولیس آئی جی پنجاب ڈاکٹر عثمان انور کی ایس پی معظم علی کی بیٹی ارینہ کو تعلیمی میدان میں نمایاں کارکردگی پر شاباش اور بھرپور حوصلہ افزائی

ہفتہ 9 اگست 2025 21:05

C لاہور (اُردو پوائنٹ اخبارتازہ ترین - آن لائن۔ 09 اگست2025ء) انسپکٹر جنرل پولیس پنجاب ڈاکٹر عثمان انور سے ایس پی انوسٹی گیشن صدر لاہور میاں معظم علی نے اہل خانہ کے ہمراہ سنٹرل پولیس آفس میں ملاقات کی۔ ترجمان پنجاب پولیس نے بتایا کہ ایس پی انوسٹی گیشن صدر معظم علی کی بیٹی ارینہ نے میٹرک کے امتحان میں اعلیٰ کارکردگی کا مظاہرہ کیا۔ آئی جی پنجاب ڈاکٹر عثمان انور نے ایس پی معظم علی کی بیٹی ارینہ کو تعلیمی میدان میں نمایاں کارکردگی پر شاباش دی اور بھرپور حوصلہ افزائی کی۔

ایس پی معظم علی کے بڑے بیٹے ضمیر الحسن نے مکینیکل انجنیئر ہیں اور جرمنی میں زیر تعلیم ہیں۔ایس پی صدر انوسٹی گیشن کے بیرون ملک زیر تعلیم دوسرے بیٹے محسن علی قائد اعظم یونیورسٹی سے اعلی تعلیم یافتہ ہیں۔

(جاری ہے)

ایس پی معظم علی کے تیسرے بیٹے ڈاکٹر عاشر میڈیکل سائنسز کے شعبہ میں نمایاں کارکردگی کے حامل ہیں جبکہ چھوٹی بیٹی اریبہ 9ویں جماعت کی طالبہ ہیں۔

آئی جی پنجاب نے سخت محنت و لگن سے بچوں کو اعلی تعلیم دلوانے پر ایس پی معظم علی کو خراج تحسین پیش کرتے ہوئے کہا کہ ایس پی معظم علی اور ان کی اہلیہ نے بچوں کی بہترین تعلیم و تربیت کے لئے انتھک محنت اور جدوجہد کی۔ پولیس افسران اور ملازمین کے بچوں کو محکمہ کے ویلفیئر فنڈ سے سکالر شپس کی فراہمی یقینی بنائی جا رہی ہے۔ پولیس شہدائ اور ملازمین کے ہونہار بچوں کو بیرون ملک اعلی تعلیم کیلئے فارن سکالرشپس بھی دے رہے ہیں۔