Live Updates

پی ٹی آئی کو الیکشن لڑنے کا کوئی فائدہ نہیں، بس کچھ لوگ ٹکٹوں سے پیسے کمائیں گے

پی ٹی آئی کا بڑا المیہ کہ خود کو تنہا رکھا ہوا ہے،ان کی اپوزیشن سے بھی لڑائی ہے، پی ٹی آئی کی غلطی اسمبلیاں توڑنا نہیں بلکہ اسٹیبلشمنٹ سے رابطے ختم کرنا تھی۔ سابق وزیر فواد چودھری

ثنااللہ ناگرہ ہفتہ 9 اگست 2025 23:01

پی ٹی آئی کو الیکشن لڑنے کا کوئی فائدہ نہیں، بس کچھ لوگ ٹکٹوں سے پیسے ..

اسلام آباد ( اردوپوائنٹ اخبار تازہ ترین۔ آئی پی اے ۔ 09 اگست 2025ء ) سیاسی رہنماء سابق وفاقی وزیر فواد چودھری نے کہا ہے کہ پی ٹی آئی کو الیکشن لڑنے کا کوئی فائدہ نہیں، بس کچھ لوگ ٹکٹوں سے پیسے کمائیں گے،پی ٹی آئی کا بڑا المیہ کہ خود کو تنہا رکھا ہوا ہے، ان کی اپوزیشن سے بھی لڑائی ہے، پی ٹی آئی کی غلطی اسمبلیاں توڑنا نہیں بلکہ اسٹیبلشمنٹ سے رابطے ختم کرنا تھی۔

انہوں نے ہم نیوز کے پروگرام میں گفتگو کرتے ہوئے کہا کہ بانی پی ٹی آئی کی مقبولیت میں کوئی کمی نہیں آئی ان کی مقبولیت وہاں پر ہی کھڑی ہے، اور اضافہ ہورہا ہے۔ مسئلہ پی ٹی آئی کا ہے۔ تحریک یا احتجاج بڑی سیاسی حکمت عملی کا حصہ ہوتا ہے، لیکن پی ٹی آئی احتجاج میں کچھ حاصل کرنے کی اسٹریٹجی موجود نہیں ہے۔

(جاری ہے)

ورکرز کو خوف سے باہر کیسے نکالنا ہے۔

فواد چودھری نے کہا کہ تحریک انصاف کا سب سے بڑا المیہ کہ خود کو تنہا رکھا ہوا ہے، ایک طرف حکومت سے لڑائی پھر حکومتی جماعتوں کی شکلیں پسند نہیں، انٹرنیشنل اسٹیبلشمنٹ میں بھی ان کی کوئی سہہ نہیں ہے، اپوزیشن کی ساری جماعتوں سے بھی لڑائی ہے، پی ٹی آئی اتنی سپر مین تو ہے نہیں ۔ عمران خان کی سیاسی طاقت اور مقبولیت ان کے بڑے فیصلے ہی ہیں، لیکن چوہدری پرویزالٰہی یا کوئی دوسرا اس طرح کے بڑے فیصلے نہیں لے سکتا۔

سابق وفاقی وزیر فواد چودھری نے کہا کہ پی ٹی آئی کی غلطی اسمبلیاں توڑنا نہیں بلکہ اسٹیبلشمنٹ سے رابطے ختم کرنا تھی۔ سب کچھ الیکشن لڑنے کیلئے کیا تھا ہمیں الیکشن مل بھی گیا تھا لیکن ہم نے الیکشن نہ لے کر غلطی کی۔ پی ٹی آئی کو موجودہ الیکشن لڑنے کا کوئی فائدہ نہیں، بس کچھ لوگ ٹکٹوں کے عوض پیسے کمائیں گے۔