سیدال خان کی سعد رفیق سے ملاقات ، ملکی ترقی، عوامی خوشحالی اور قومی یکجہتی کے لیے مل کر کردار ادا کرنے پر اتفاق

اتوار 10 اگست 2025 17:10

لاہور (اُردو پوائنٹ اخبارتازہ ترین - این این آئی۔ 10 اگست2025ء)ڈپٹی چیئرمین سینیٹ سیدال خان نے سابق وفاقی وزیر خواجہ سعد رفیق سے یہاں ملاقات کی جس میں ملکی سیاسی و معاشی صورتحال پر تبادلہ خیال کیا گیا ۔سیدال خان نے سابق وفاقی وزیر خواجہ سعد رفیق کی مزاج پرسی کی اور گلدستہ بھی پیش کیا ۔خواجہ سعد رفیق نے صحتیابی اور درازیِ عمر کے لیے نیک تمناؤں کا اظہار کیا ۔

(جاری ہے)

ڈپٹی چیئرمین سینیٹ نے خواجہ سعد رفیق کی بطور وفاقی وزیر خدمات کو خراج تحسین پیش کیا ۔انہوںنے ریلوے، ثقافت و امور نوجوان میں مؤثر و پائیدار اصلاحات پر تعریف کی ۔سیدال خان نے کہاکہ ملک کو تجربہ کار قیادت اور یکجہتی کی ضرورت ہے،خواجہ سعد رفیق جیسے رہنما اداروں کی بہتری و معیشت کی بحالی میں کردار ادا کرسکتے ہیں۔ڈپٹی چیئرمین سینیٹ کی جانب سے خواجہ سعد رفیق کو بلوچستان کے دورے کی دعوت دی گئی ۔ ملاقات میں ملکی ترقی، عوامی خوشحالی اور قومی یکجہتی کے لیے مل کر کردار ادا کرنے پر اتفاق کیاگیا