اوتھل،مسافر کوچ اور ٹرک میں تصادم، 6 افراد جاں بحق، 17 زخمی

جمعرات 2 اکتوبر 2025 16:43

اوتھل (اُردو پوائنٹ اخبارتازہ ترین - این این آئی۔ 02 اکتوبر2025ء)ضلع لسبیلہ کی تحصیل اوتھل میں زیرو پوائنٹ کے قریب مسافر کوچ اور ٹرک میں ٹکر کے باعث 6 افراد جاں بحق ہوگئے۔پولیس کے مطابق اوتھل میں زیرو پوائنٹ کے قریب مسافر کوچ اور پتھروں سے لدے ٹرک میں تصادم کے نتیجے میں 6 مسافر جاں بحق اور بچوں اور خواتین سمیت 17 مسافر زخمی ہوگئے، لاشوں اور زخمیوں کو قریبی ہسپتال منتقل کردیا گیا۔

(جاری ہے)

پولیس کے مطابق مسافر کوچ پنجگور سے کراچی جارہی تھی، حادثے کے بعد قومی شاہراہ پر ٹریفک کی روانی متاثر ہوگئی۔حکومت بلوچستان نے اوتھل میں ٹریفک حادثے میں 6 اموات پر گہرے دکھ اور افسوس کا اظہار کیا ہے، ترجمان بلوچستان حکومت کے مطابق حادثے کے فوری بعد ریسکیو ٹیمیں جائے وقوعہ اوتھل زیرو پوائنٹ روانہ ہوئیں، زخمیوں کو قریبی ہسپتالوں میں منتقل کرکیطبی امداد فراہم کی جارہی ہیترجمان نے کہا کہ حکومت بلوچستان متاثرہ خاندانوں کے ساتھ دلی ہمدردی اور یکجہتی کا اظہار کرتی ہے، حادثے کی وجوہات جاننے کیلئے انکوائری شروع کردی گئی ہے۔