کراچی میں آرام باغ پولیس کا ماوا آپریشن، لاہور سے آئے تاجر کو گرفتار کر لیا گیا

آرام باغ تھانے کی حدود میں ہر گلی میں ماوا کھلے عام فروخت ہو رہا ہے، علاقہ مکین

پیر 11 اگست 2025 12:42

کراچی(اُردو پوائنٹ اخبارتازہ ترین - این این آئی۔ 11 اگست2025ء)شہر قائد میں آرام باغ پولیس نے ایم اے جناح روڈ پر کارروائی کرتے ہوئے لاہور سے آئے ایک تاجر کو ماوے رکھنے کے الزام میں گرفتار کر لیا۔پولیس کے مطابق کارروائی عالم شاہ مزار کے قریب کی گئی جہاں حارث نامی تاجر کی گاڑی کو روکا گیا۔

(جاری ہے)

ابتدائی طور پر پولیس نے دعویٰ کیا کہ گاڑی سے ماوے کی دو پڑیاں برآمد ہوئیں، تاہم بعد ازاں 45 پڑیاں برآمد ہونے کا مؤقف اختیار کر لیا گیا۔

پولیس نے ملزم کے خلاف مقدمہ درج کر لیا ہے، جب کہ ذرائع کا کہنا ہے کہ گرفتار تاجر اسی رات ٹرین کے ذریعے لاہور واپسی کے لیے روانہ ہونے والا تھا۔علاقہ مکینوں نے پولیس کی کارروائی پر اعتراض کرتے ہوئے کہا ہے کہ آرام باغ تھانے کی حدود میں ہر گلی میں ماوا کھلے عام فروخت ہو رہا ہے، مگر کارروائی صرف باہر سے آنے والوں پر کی جا رہی ہے۔