سرکاری حج اسکیم کے تحت درخواستوں کی وصولی کا دوسرا مرحلہ شروع

غیر رجسٹرڈ عازمین سے حج درخواستوں کی وصولی بھی شروع کر دی گئی

پیر 11 اگست 2025 15:28

لاہور(اُردو پوائنٹ اخبارتازہ ترین - این این آئی۔ 11 اگست2025ء)سرکاری حج اسکیم کے تحت درخواستوں کی وصولی کا دوسرا مرحلہ شروع ہوگیا،غیر رجسٹرڈ عازمین سے حج درخواستوں کی وصولی بھی شروع کر دی گئی ۔سرکاری اسکیم کیلئے کم درخواستیں آنے پر غیررجسٹرڈ عازمین کو موقع دیا گیا،سرکاری سکیم کے تحت 60.3فیصد درخواستیں موصول،39.7فیصد کوٹہ رہ گیا،6روز میں 71 ہزار 286رجسٹرڈ عازمین نے بینکوں میں درخواستیں جمع کرائیں،ایک لاکھ 18ہزار 210کوٹے میں سے 46ہزار 924نشستیں بدستور خالی ہیں۔

(جاری ہے)

سرکاری اسکیم کا حج کوٹہ مکمل ہوتے ہی درخواستوں کی وصولی روک دی جائے گی،حج اخراجات کی پہلی قسط کے ساتھ درخواستیں 16اگست تک جمع کرائی جاسکتی ہیں،لانگ حج کے لئے اخراجات کی پہلی قسط 5لاکھ روپے وصول کی جارہی ہے۔اس کے علاوہ شارٹ حج کے لئے ساڑھے 5لاکھ روپے کی پہلی قسط جمع کرائی جاسکتی ہے،سمندر پار پاکستانی بھی قریبی عزیزوں کے ذریعے بینکوں میں حج درخواستیں کراسکتے ہیںبیرون ملک مقیم افراد کو وطن واپسی پر میڈیکل فٹنس سرٹیفکیٹ جمع کرانے ہوں گے۔