ڈی آئی جی اسٹیبلشمنٹ ٹو کی سربراہی میں سینئر کلرک سے اسسٹنٹ کے عہدے پرترقی کیلئے پروموشن بورڈ کا اجلاس

میرٹ پر پورا اترنے والے 26 سینئر کلرکس کو اسسٹنٹ کے عہدے پر ترقی دے دی گئی‘ ترجمان پنجاب پولیس

پیر 11 اگست 2025 21:40

لاہور(اُردو پوائنٹ اخبارتازہ ترین - این این آئی۔ 11 اگست2025ء)انسپکٹر جنرل پولیس پنجاب ڈاکٹر عثمان انور کی ہدایت پر پنجاب پولیس میں ترقیوں کا عمل جاری ہے جس کے تسلسل میں ڈی آئی جی اسٹیبلشمنٹ ٹو کیپٹن (ر)لیاقت علی ملک کی سربراہی میں سینئر کلرک سے اسسٹنٹ کے عہدے پرترقی کے لیے پروموشن بورڈ کا اجلاس سنٹرل پولیس آفس میں منعقد ہوا۔ اے آئی جی ایڈمن ایس ایس پی ڈاکٹر اسد اعجاز ملہی، رجسٹرار حمیر احمد اور اے ڈی ایڈمن نوید احمد نے اجلاس میں شرکت کی۔

ترجمان پنجاب پولیس نے بتایا کہ میرٹ پر پورا اترنے والے 26 سینئر کلرکس کو اسسٹنٹ کے عہدے پر ترقی دے دی گئی اور اے آئی جی ایڈمن نے پروموشن کا نوٹیفکیشن جاری کر دیا۔ سینئر کلرک سے اسسٹنٹ کے عہدے پرترقی پانے والوں میں شہزاد اختر باجوہ، سید شاہد علی، شکیل احمد، محمد حفیظ،طاہر ریاض، محمد نواز، شاہد محمود، عامر عباس،محمد آصف خان،سجاد حیدر شاہ،اشتیاق احمد،عرفان احمد چٹھہ،مجید احمد،محمد اسرار الحق، محمد شہزاد اسلم، نصراللہ، عبدالرشید،محمد اکرم، نیاز حسین شاہ، جاوید احمد، محمد نعیم، محمد عاشق، محمد رضوان، یاسر عرفان، عبدالغفار اور اعظم خان شامل ہیں۔

(جاری ہے)

آئی جی پنجاب ڈاکٹر عثمان انورنے ترقی پانے والے ملازمین کو مبارکباد دی اور انھوں نے کہا کہ گذشتہ اڑھائی سال میں ریکارڈ 30 ہزار کے قریب افسران و اہلکاروں کو پروموشن دی گئی ہے۔ کارکردگی، سنیارٹی، قابلیت اور میرٹ کی بنیاد پر ترقیوں کا سلسلہ جاری رہے گا۔ ڈاکٹر عثمان انور نے کہا کہ محکمانہ ترقی ہر افسر کے کیرئیر کا اہم حصہ اور ذمہ داریوں میں اضافے کی عکاس ہے۔