اے این ایف نے 15 کلو منشیات برآمد کر لی، خاتون سمیت 4 ملزمان گرفتار

منگل 12 اگست 2025 16:41

کراچی(اُردو پوائنٹ اخبارتازہ ترین - این این آئی۔ 12 اگست2025ء)اینٹی نارکوٹکس فورس(اے این ایف)کا منشیات اسمگلنگ کے خلاف آپریشن جاری ہے۔ترجمان اے این ایف کے مطابق 5 مختلف کارروائیوں کے دوران 15 کلو گرام منشیات برآمد کر کے خاتون سمیت 4 ملزمان گرفتار کر لئے گئے، کارروائیاں اسلام آباد، لاہور اور کراچی میں کی گئیں۔حکام کے مطابق کارروائیوں کے دوران 11 کلو 165 گرام آئس، 5 کلو چرس، 180 گرام ہیروئن برآمد کر لی گئی۔

(جاری ہے)

ترجمان کے مطابق گرفتار ملزمان نے تعلیمی اداروں کے طلبا کو منشیات فروخت کرنے کا اعتراف کیا ہے، گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔دوسری جانب پشین میں ضلعی انتظامیہ نے 6 ہزار کلو ایفیڈرین برآمد کر کے منشیات کو نذر آتش کر دیا۔اسسٹنٹ کمشنر نعمت ترین کے مطابق چار ایکڑ پر کاشت پوست کی فصل بھی تلف کی گئی، کارروائیاں علاقہ یارو اور زرک میں کی گئیں۔