صدر مملکت کا حالیہ بارشوں اور سیلاب سے قیمتی انسانی جانوں کے ضیاع پر گہرے دکھ اور افسوس کا اظہار

متعلقہ ادارے امدادی سرگرمیوں کو تیز کریں ،متاثرہ افراد کی مدد اور بحالی کے لیے ہر ممکن اقدامات کیے جائیں ، آصف علی زر داری

جمعہ 15 اگست 2025 14:30

اسلام آباد (اُردو پوائنٹ اخبارتازہ ترین - این این آئی۔ 15 اگست2025ء)صدرِ مملکت آصف علی زرداری نے ملک کے مختلف علاقوں میں حالیہ بارشوں اور سیلاب سے قیمتی انسانی جانوں کے ضیاع پر گہرے دکھ اور افسوس کا اظہار کرتے ہوئے کہا ہے کہ متعلقہ ادارے امدادی سرگرمیوں کو تیز کریں ،متاثرہ افراد کی مدد اور بحالی کے لیے ہر ممکن اقدامات کیے جائیں ۔

(جاری ہے)

اپنے بیان میں صدرِ مملکت نے جاں بحق افراد کی بلندی درجات کیلئے دعا اور لواحقین سے دلی اظہار ہمدردی کیا ۔ صدر مملکت نے کہاکہ متعلقہ ادارے امدادی سرگرمیوں کو تیز کریں ،متاثرہ افراد کی مدد اور بحالی کے لیے ہر ممکن اقدامات کیے جائیں ۔ آصف علی زر داری نے کہاکہ زخمی افراد کو فوری اور معیاری طبی سہولتیں فراہم کی جائیں ۔