ملک بھر میں سونے کی قیمت میں 1,000 روپے کمی ریکارڈ

جمعہ 15 اگست 2025 15:38

ملک بھر میں سونے کی قیمت میں 1,000 روپے کمی ریکارڈ
اسلام آباد (اُردو پوائنٹ اخبارتازہ ترین - اے پی پی۔ 15 اگست2025ء) ملک بھر میں سونے کی قیمت میں 1,000 روپے کمی کے ساتھ فی تولہ سونا 3 لاکھ 57 ہزار ایک سو روپے کا ہوگیا ۔آل پاکستان جیمز اینڈ جیولرز ایسوسی ایشن کے مطابق جمعہ کو سونے کی فی تولہ قیمت میں 1٫000 روپے کمی کے بعد فی تولہ سونا 3 لاکھ 57 ہزار ایک سو روپے کا ہوگیا ہے ۔

(جاری ہے)

24 قیراط سونے کے 10 گرام کی قیمت بھی 858 روپے کمی کے بعد 307,013 روپے سے کم ہو کر 306,155 روپے ہوگئی جبکہ 10 گرام 22 قیراط سونے کی قیمت 281,438 روپے سے کم ہو کر 280,652 روپے ہوگئی۔

آل سندھ صرافہ جیولرز ایسوسی ایشن نے رپورٹ کیا کہ فی تولہ اور دس گرام چاندی کی قیمت بالترتیب 4,072 روپے اور 3,491 روپے پر مستحکم رہی۔ ایسوسی ایشن نے رپورٹ کیا کہ بین الاقوامی مارکیٹ میں سونے کی قیمت 3,354 ڈالر سے کم ہو کر 3،344 ڈالر ہو گئی۔