خواتین کو معاشی و سماجی طور پر مضبوط بنائے بغیر معاشرہ ترقی نہیں کر سکتا، ڈپٹی کمشنر سیالکوٹ

جمعہ 15 اگست 2025 17:32

سیالکوٹ (اُردو پوائنٹ اخبارتازہ ترین - اے پی پی۔ 15 اگست2025ء) ڈپٹی کمشنر سیالکوٹ صبا اصغر علی نے کہا ہے کہ ملک ترقی کی نئی منازل طے کر رہا ہے اور اس سفر میں خواتین کے کردار کو کسی صورت نظر انداز نہیں کیا جا سکتا، کوئی بھی معاشرہ خواتین کی عملی شمولیت اور فعال کردار کے بغیر حقیقی ترقی حاصل نہیں کر سکتا۔ انہوں نے یہ بات خواتین اساتذہ میں الیکٹرک بائیکس کی تقسیم کے موقع پر کہی۔

اس موقع پر 14 خواتین اساتذہ کو ای-بائیکس دی گئیں تاکہ ورکنگ ویمن کو سفری سہولت فراہم کی جا سکے اور ان کی معاشی و سماجی خودمختاری کو فروغ ملے۔

(جاری ہے)

ڈپٹی کمشنر نے کہا کہ اس اقدام میں سیالکوٹ کی بزنس کمیونٹی کا تعاون قابلِ ستائش ہے۔ انہوں نے مزید بتایا کہ جن خواتین اساتذہ کو ای-بائیکس فراہم کی گئی ہیں، انہیں باقاعدہ تربیت بھی دی جائے گی تاکہ وہ آسانی اور اعتماد کے ساتھ اپنی ڈیوٹی پر آ جا سکیں۔

اس سے نہ صرف ان کے سفر میں آسانی پیدا ہوگی بلکہ ان کی پیشہ ورانہ صلاحیتوں میں بھی نکھار آئے گا۔ دوسری جانب، شہر کے مختلف حلقوں نے ضلعی انتظامیہ کے اس اقدام کو سراہتے ہوئے کہا ہے کہ خواتین اور طالبات کے لیے بائیک کے استعمال سے ان کے اعتماد اور خود انحصاری میں نمایاں اضافہ ہوگا۔

Facebook Twitter Google + Share on Whatsapp

خواتین کو معاشی و سماجی طور پر مضبوط بنائے بغیر معاشرہ ترقی نہیں کر سکتا، ڈپٹی کمشنر سیالکوٹ

متعلقہ عنوان :

مزید قومی خبریں