وزیراعلی مریم نواز کا19 بھارتی حمایت یافتہ دہشتگرد ہلاک کرنے پر سکیورٹی فورسز کو خراج تحسین

بدھ 8 اکتوبر 2025 19:05

لاہور (اُردو پوائنٹ اخبارتازہ ترین - اے پی پی۔ 08 اکتوبر2025ء) وزیراعلی پنجاب مریم نواز شریف نے اورکزئی میں 19 بھارتی حمایت یافتہ دہشتگرد ہلاک کرنے پر سکیورٹی فورسز کو خراج تحسین پیش کیا ہے ۔

(جاری ہے)

بدھ کو جاری اپنے ایک بیان میں دہشتگردوں سے لڑتے ہوئے جام شہادت نوش کرنے والے لیفٹیننٹ کرنل جنید اور میجرطیب سمیت 9 جوانوں کو خراج عقیدت پیش کرتے ہوئے انہوں نے کہا کہ وطن سے محبت کی داستان رقم کرنے والے شہدا قوم کے سر کا تاج ہیں ، ملک و قوم کیلئے شہدا کی قربانیاں رائیگاں نہیں جائیں گی ،ان کے خون کے ایک ایک قطرے کا حساب لیا جا ئے گا ۔وزیر اعلی مریم نواز نے شہدا کے بلندی درجات اور لواحقین کیلئے صبر جمیل کی دعا بھی کی ۔