گورنرخیبرپختونخوا کی کامیاب آپریشن پر سیکورٹی فورسز کوخراج تحسین

بدھ 8 اکتوبر 2025 19:50

پشاور(اُردو پوائنٹ اخبارتازہ ترین - این این آئی۔ 08 اکتوبر2025ء) گورنر خیبرپختونخوا فیصل کریم کنڈی نے ضلع اورکزئی میں دہشتگردوں کے خلاف سکیورٹی فورسز کے آپریشن میں 19 دہشتگردوں کو ہلاک کرنے پر سیکیورٹی فورسز کو خراج تحسین پیش کیاہے۔

(جاری ہے)

انہوں نے آپریشن میں لیفٹیننٹ کرنل، میجر اور 9 جوانوں کی شہادت پر اظہار عقیدت بھی پیش کیااور شہید سیکیورٹی فورسز آفیسرز اور جوانوں کے لواحقین سے تعزیت و دلی ہمدردی کا اظہارکرتے ہوئے شہداء کے درجات بلندی اور پسماندگان کے لیے صبر جمیل کی دعاکی ۔

گورنرنے کہاکہ سیکیورٹی فورسز کے آفیسرز اور جوانوں نے بہادری سے مقابلہ کرتے ہوئے اپنی جانیں ملک و قوم کیلئے قربان کر دیں،شہید بہادر سیکیورٹی فورسز آفیسرز و جوانوں کی عظیم قربانی کو سلام پیش کرتے ہیں،دہشتگردی کیخلاف سیکیورٹی فورسز کی بہادری اور پختہ عزم قابل تحسین ہے۔ گورنرنے کہاکہ ہمارے شہداء کی قربانیاں رائیگاں نہیں جائیں گی، خیبرپختونخوا سمیت ملک بھر کے عوام دہشتگردی کیخلاف جنگ میں اپنی مسلح افواج کے شانہ بشانہ کھڑے ہیں۔