چہلم حضرت امام حسینؓ اور داتا دربار کے سالانہ عرس کے موقع پر ایل ڈبلیو ایم سی نے صفائی کی بہترین سہولیات فراہم کرنے کیلئے خصوصی انتظامات کیے،ترجمان

جمعہ 15 اگست 2025 18:07

لاہور (اُردو پوائنٹ اخبارتازہ ترین - اے پی پی۔ 15 اگست2025ء) چہلم حضرت امام حسینؓ او داتا دربار کے سالانہ عرس کے موقع پر ایل ڈبلیو ایم سی نے صفائی کی بہترین سہولیات فراہم کرنے کے لیے خصوصی انتظامات کیے۔ترجمان کے مطابق260 سے زائد صفائی عملہ تین شفٹوں میں داتادربار کے اطراف اور چہلم جلوس کے روٹس پر ڈیوٹی پر تعینات کیا گیا۔سی ای او بابر صاحب دین کی ہدایت پرچہلم حضرت امام حسینؓ کے جلوس روٹس پر 100 سے زائد ورکرز نے ویسٹ پکنگ کے فرائض انجام دیئے، دربار اور جلوس راستوں پر مینوئل سویپنگ،پانی کا چھڑکائو اور مکینیکل واشنگ کی گئی۔

بازار نوریہ، چوک نواب شاہ، کشمیری بازار، موچی بازار، ڈبی بازار، پانی والا تالاب اور ترنم چوک میں صفائی ٹیمیں تعینات رہیں۔اسی طرح راوی روڈ آزادی فلائی اوور، بھاٹی چوک، لوئر مال اور کربلا گامے شاہ میں بھی صفائی ستھرائی کا عمل یقینی بنایا گیا۔

(جاری ہے)

ترجمان کے مطابق عرس تقریبات اور چہلم جلوس کے اختتام تک امام بارگاہوں، مجالس اور دربار کے اطراف صفائی ٹیمیں فرائض کی ادائیگی کے لیے موجود رہیں۔سی ای او ایل بابر صاحب دین کا کہنا ہے کہ صفائی ورکنگ کی 24 گھنٹے مانیٹرنگ اورشکایات کا فوری ازالہ ایل ڈبلیو ایم سی کنٹرول روم کے ذریعے کیا گیا۔انہوں نے کہ کہ ایل ڈبلیو ایم سی صفائی ٹیموں سے تعاون پر زائرین اور شہریوں کے شکر گزار ہیں۔