لاہور،8سالہ بچے کو زیادتی کی نیت سے اغواء کرکے شدید زخمی کرنے والے 2ملزم گرفتار

ْملزمان نے بچے کو خالی پلاٹ میں لے جا کر سر میں اینٹوں کے وار کر کے شدید زخمی کیا‘ پولیس

جمعہ 15 اگست 2025 20:05

لاہور (اُردو پوائنٹ اخبارتازہ ترین - این این آئی۔ 15 اگست2025ء) ہنجر وال انویسٹی گیشن پولیس 8سالہ بچے کو زیادتی کی نیت سے اغوا کرکے اینٹوں کے وار سے زخمی کرنے والے دو ملزمان کو فوٹیج کی مدد سے گرفتار کرلیا۔ہنجر وال انویسٹی گیشن و آپریشن پولیس نے جناح ہسپتال سے ملنے والے زخمی بچے کا معمہ حل کردیا۔

(جاری ہے)

ایس پی اقبال ٹائون ڈاکٹر محمد عمر کی زیرنگرانی ایس ایچ او ہنجروال عدیل انجم اور انچارج انویسٹی گیشن محسن رفیق نے مشترکہ کاروائی کرتے ہوئے ملزم علی حسن اور ریحان کو قلیل وقت میں سی سی ٹی وی کیمروں اور ہیومن رائٹس سورس کی مدد سے گرفتار کرلیا۔

ترجمان پولیس کے مطابق ملزمان 8سالہ بچے کو بدفعلی کی نیت سے لے گئے تھے، انہوں نے پتھر کے واروں سے 8سالہ علی مراد کو تشدد کر کے زخمی کیا۔ ایس پی ڈاکٹر محمد عمر کے مطابق زخمی 8سالہ بچے کو جناح ہسپتال منتقل کردیا گیا ہے علاج کا عمل جاری ہے، ملزمان نے 8سالہ علی مراد کو رانا ٹان ہنجروال سے پکڑا اور مرغزار کی گراونڈ میں زخمی کر کے چھوڑ دیا، ملزمان کے خلاف قانونی کارروائی جاری ہے۔