ملتان پولیس کی کارروائی، مشترکہ کارروائی میں دو منشیات فروش گرفتار،25لٹر شراب برآمد

جمعہ 15 اگست 2025 21:40

ملتان (اُردو پوائنٹ اخبارتازہ ترین - اے پی پی۔ 15 اگست2025ء) ملتان میں پولیس نے مشترکہ کارروائی میں دو منشیات فروش گرفتارکر کے25لٹر شراب برآمد کر لی۔جوائنٹ ٹاسک ٹیم اور تھانہ کینٹ پولیس نے کریک ڈاؤن کرتے ہوئے دو شراب فروش ملزمان گرفتار کر لئے 10 لیٹر دیسی شراب اور 15ولایتی شراب کے ٹین پیک برآمد کیے۔ ترجمان کے مطابق گرفتار شراب فروش ملزمان میں محمد عرفان اور فیصل ظفر شامل ہیں۔

(جاری ہے)

ایس پی کینٹ کائنات اظہر کی زیر نگرانی اور ایس ڈی پی او کینٹ ہلار خان چانڈیو کی سربراہی میں ایس ایچ او تھانہ کینٹ قیصر علی نے انچارج جے ٹی ٹی تارخ گیلانی اور ان کی ٹیم کے ہمراہ کامیاب چھاپہ مارے اور 2 ملزمان کو گرفتار کیا۔ ملزمان نے دوران تفتیش انکشاف کیا کہ یہ شراب ملتان شہر میں سپلائی کے لیے تھی۔ ملزمان سے مزید تفتیش جاری ہے اور ان کے نیٹ ورک کا سراغ لگانے کے لیے مزید تحقیقات کا آغاز کر دیا گیا۔ایس پی کینٹ نے کامیاب کارروائی پر پولیس ٹیم کو سراہا اور کہا کہ منشیات فروشوں اور شراب فروشوں کے خلاف کریک ڈاؤن جاری رہے گا تاکہ معاشرتی برائیوں کا خاتمہ کیا جا سکے۔