روات پولیس کارروائی ، شیشہ نوشی میں ملوث 10 افراد کو گرفتار کر لیا

ہفتہ 16 اگست 2025 14:23

راولپنڈی (اُردو پوائنٹ اخبارتازہ ترین - اے پی پی۔ 16 اگست2025ء) روات پولیس نے غیر قانونی اور مضر صحت سرگرمیوں کے خلاف بڑی کارروائی کرتے ہوئے شیشہ نوشی میں ملوث 10 افراد کو گرفتار کر لیا۔

(جاری ہے)

پولیس ترجمان کے مطابق گرفتار افراد کے قبضے سے شیشہ پینے کے حقے، مختلف فلیورز اور دیگر متعلقہ سامان برآمد کیا گیا۔ ایس پی صدر محمد نبیل کھوکھر کا کہنا ہے کہ زیر حراست افراد کو ٹھوس شواہد کے ساتھ عدالت میں چالان کیا جائے گا۔ انہوں نے کہا کہ شہریوں کی صحت اور فلاح کے تحفظ کے لیے مضر صحت سرگرمیوں کے خلاف کارروائیاں بلا امتیاز جاری رہیں گی۔ قانون کی خلاف ورزی کرنے والوں کے ساتھ سختی سے نمٹا جائے گا۔