گلگت،نلتر ایکسپریس وے کا بڑاحصہ سیلاب میں بہہ گیا، سیاح پھنس گئے

نلتر ایکسپریس وے کا بڑا حصہ سیلاب میں بہہ جانے کے بعد نلتر میں واقع 3 بجلی گھروں کو بند کردیا گیا،ترجمان جی بی حکومت

ہفتہ 16 اگست 2025 22:21

گلگت(اُردو پوائنٹ اخبارتازہ ترین - این این آئی۔ 16 اگست2025ء) نلتر ایکسپریس وے کابڑا حصہ سیلاب میں بہنے سے سیاح پھنس گئے۔نجی ٹی وی کے مطابق نلتر ایکسپریس وے کابڑا حصہ سیلاب میں بہہ گیا جس کے باعث زمینی رابطہ منقطع ہونیسے سیاح نلتر میں پھنس گئے ہیں۔

(جاری ہے)

گلگت بلتستان حکومت کے ترجمان نے بتایا کہ نلتر ایکسپریس وے کا بڑا حصہ سیلاب میں بہہ جانے کے بعد نلتر میں واقع 3 بجلی گھروں کو بند کردیا گیا ہے اور شہر میں بجلی کی سپلائی معطل ہوگئی۔

ترجمان جی بی حکومت کے مطابق نلتر ایکسپریس وے کابڑاحصہ سیلاب میں بہہ جانے سے زمینی رابطہ منقطع ہوگیا ہے جس سے متعدد سیاح نلتر میں پھنس گئے ہیں۔ترجمان نے بتایا کہ جگلوٹ گورو میں دریاکا پانی نشیبی علاقوں میں داخل ہونے سے متعددگھر بھی زیر آب آگئے ہیں۔