آسٹریلیا کا کامیاب دفاع ،ایف آئی بی اے ایشیا کپ باسکٹ بال ٹورنامنٹ میں طلائی تمغہ جیت لیا

پیر 18 اگست 2025 09:00

جدہ (اُردو پوائنٹ اخبارتازہ ترین - اے پی پی۔ 18 اگست2025ء) دفاعی چیمپئن آسٹریلیا نے ٹائٹل کا کامیاب دفاع کرتے ہوئے ایف آئی بی اے ایشیا کپ باسکٹ بال ٹورنامنٹ جیت لیا۔ آسٹریلوی باسکٹ بال ٹیم نے شاندار کارکردگی کا مظاہرہ کرتے ہوئے ایف آئی بی اے ایشیا کپ باسکٹ بال ٹورنامنٹ کے فائنل میچ میں چین کی ٹیم کو شکست دے کر نہ صرف ٹائٹل کا کامیاب دفاع کیا بلکہ طلائی تمغہ بھی اپنے نام کرلیا۔

آسٹریلیا کی ٹیم نے ایف آئی بی اے ایشیا کپ باسکٹ بال ٹورنامنٹ میں فتوحات کا سلسلہ برقرار رکھا اور پورے ٹورنامنٹ میں ناقابل شکست رہی ۔ناقابل شکست آسٹریلوی باسکٹ بال ٹیم نے ایف آئی بی اے ایشیا کپ باسکٹ بال ٹورنامنٹ کے فائنل میچ میں چین کی ٹیم کو 1-3 سے شکست دی ۔ کنگ عبداللہ سپورٹس سٹی، جدہ میں کھیلے گئے ایف آئی بی اے ایشیا کپ باسکٹ بال ٹورنامنٹ کے فائنل میچ میں ناقابل شکست آسٹریلیا اور چین کی ٹیمیں آمنے سامنے تھیں جس میں آسٹریلیا کی ٹیم نے عمدہ کھیل پیش کرتے ہوئے حریف چین کی ٹیم کو 1-3 سے نہ صرف شکست دے دی بلکہ ایف آئی بی اے ایشیا کپ باسکٹ بال ٹورنامنٹ کا بھرپور دفاع کرتے ہوئے طلائی تمغہ جیت لیا۔

(جاری ہے)

فاتح آسٹریلوی ٹیم کی فتح کا سکور25-17، 21-25، 25-26 اور 18-22رہا۔آسٹریلیا کے زاویر کُکس اور جےلن گیلووے نے شاندار کارکردگی دکھاتے ہوئے بالترتیب میچ میں سب سے زیادہ 30 اور 23 پوائنٹس سکور کرتے ہوئے اپنی ٹیم کی فتح میں اہم کردار ادا کیا۔یہ آسٹریلیا کی ایشیا کپ میں مسلسل 18ویں فتح تھی، اور ٹیم نے 2017 میں ایشیا کپ میں شمولیت کے بعد سے ایک بھی میچ نہیں ہارا۔ اس شاندار کارکردگی کے ساتھ آسٹریلیا نے براعظمی باسکٹ بال میں اپنی برتری ایک بار پھر ثابت کر دی۔ ایف آئی بی اے ایشیا کپ باسکٹ بال ٹورنامنٹ میں آسٹریلوی ٹیم نےپہلی پوزیشن کے ساتھ طلائی ،چین کی ٹیم نے دوسری پوزیشن کے ساتھ چاندی جبکہ ایران کی ٹیم نے تیسری پوزیشن کے ساتھ کانسی کا تمغہ حاصل کیا۔ \932