Live Updates

مریم نوازکی پنجاب میں ممکنہ کلائوڈ برسٹ اورطوفانی بارشوں کے پیش نظر ہنگامی اقدامات کی ہدایت

پیر 18 اگست 2025 18:51

لاہو ر(اُردو پوائنٹ اخبارتازہ ترین - این این آئی۔ 18 اگست2025ء)وزیراعلی پنجاب مریم نوازشریف نے پنجاب میں ممکنہ کلائوڈ برسٹ اورطوفانی بارشوںکے پیش نظر ہنگامی اقدامات کی ہدایت کرتے ہوئے پی ڈی ایم اے،انتظامیہ ،ریسکیو،پولیس اورمتعلقہ ادارووں کو الرٹ کر دیا۔وزیراعلی مریم نواز شریف نے ہنگامی صورتحال سے نمٹنے کے لئے ہسپتالوںاور مراکز صحت میں ڈاکٹرز اور عملے کو بھی الرٹ رہنے کی ہدایت کر دی۔

وزیراعلی مریم نواز شریف نے سی اینڈ ڈبلیو کو بارشوں سے متاثرہ روڈز کی فوری بحالی ،چکوال اور دیگراداروں میں موسلادھار بارش کے پیش نظرانتظا میہ اور اداروںکوہمہ وقت الرٹ رہنے کا حکم دیا۔وزیراعلی مریم نواز شریف نے چکوال میں نشیبی علاقوں میں جان ومال کی حفاظت کے لئے دیگر اقدامات،ندی نالوں میں نہانے پر پابندی یقینی بنانے اورپولیس سکواڈکو گشت کی ہدایت کی۔

(جاری ہے)

وزیراعلی مریم نواز شریف نے سیلابی ریلوں سے متاثرہ علاقوں میں آبادی کا بروقت انخلا یقینی بنانے کا بھی حکم دیا۔وزیراعلی مریم نواز شریف نے کہا کہ بارش سے متاثرہ چھوٹے بڑے راستوں سے رکاوٹیں ہٹا کر آمدورفت بحال کی جائے۔کلائوڈ برسٹ اورموسلادھار بارشیں قدرتی آفت ہیں،صوبہ بھر میں انتظامیہ اور دیگر ادارے پوری طرح الرٹ ہیں۔ ممکنہ بارشوں اور کلائوڈ برسٹ کے خدشے کے پیش نظر تمام ادارے ہمہ وقت متحرک رہیں،کوتاہی قطعا برداشت نہیں۔