آزاد کشمیر،بارشوں سے ہلاکتوں کی تعداد 19 ہوگئی

جاں بحق افراد میں 8 مرد، 6 خواتین ، 5 بچے شامل ہیں،ایس ڈی ایم اے

منگل 19 اگست 2025 20:26

مظفرآباد(اُردو پوائنٹ اخبارتازہ ترین - این این آئی۔ 19 اگست2025ء)آزاد کشمیر میں 11 سے 18 اگست تک مون سون بارشوں سے جاں بحق افراد کی تعداد 19 ہوگئی۔اسٹیٹ ڈیزاسٹر مینجمنٹ اتھارٹی (ایس ڈی ایم ای) آزاد کشمیر کے مطابق گزشتہ ایک ہفتے میں بارشوں سے 19 افراد کی ہلاکت ہوئی ہے اور 16 افراد زخمی بھی ہوئے۔

(جاری ہے)

ایس ڈی ایم اے حکام کے مطابق جاں بحق افراد میں 8 مرد، 6 خواتین اور 5 بچے شامل ہیں ،جبکہ زخمی ہونے والوں میں 10 مرد، 3 خواتین، 3 بچے شامل ہیں۔

ایس ڈی ایم اے نے بتایاکہ بارشوں اور لینڈسلائیڈنگ سے 404 مکانات کو نقصان ہوا اور 87 مکان مکمل برباد ہوئے،27 دکانیں، 13 پن چکیاں، 20 پل اور 24 کلومیٹر سڑکیں تباہ ،جبکہ 26 اسمال ہائیڈرو پاور اسٹیشنز فلیش فلڈز کی نذر ہوئے۔ اسٹیٹ ڈیزاسٹر مینجمنٹ اتھارٹی کے مطابق واٹرسپلائی کے 59 منصوبے اور آبپاشی کی 40 نہریں بھی بارشوں سے متاثر ہوئے ،جبکہ 12گاڑیاں بھی فلیش فلڈز اور لینڈ سلائیڈنگ کی نذر ہوگئیں۔