نیمار جونیئر کیریئر کی بدترین شکست پر آبدیدہ ہوگئے

سیری اے میں نیمار جونیئر کی ٹیم سانتوس کو ہوم گراونڈ پر حریف کلب واسو ڈی گاما نے 6 کے مقابلے میں 0 گل سے شکست دی

بدھ 20 اگست 2025 12:23

نیمار جونیئر کیریئر کی بدترین شکست پر آبدیدہ ہوگئے

برازیلیا(اُردو پوائنٹ اخبارتازہ ترین - این این آئی۔ 20 اگست2025ء)برازیل کے اسٹار فٹبالر نیمار جونیئر کیریئر کی بدترین شکست کے بعد آبدیدہ ہوگئے۔سیری اے میں نیمار جونیئر کی ٹیم سانتوس کو ہوم گراونڈ پر حریف کلب واسو ڈی گاما نے 6 کے مقابلے میں 0 گل سے شکست دی۔میچ کے بعد نیمار روتے ہوئے میدان سے باہر گئے اس دوران ان کے چہرے پر شکست کی مایوسی کے آثار نمایاں تھے۔

(جاری ہے)

اس بدترین شکست پر سانتوس کے کوچ زاویئر کو ہٹا دیا گیا ہے۔نیمار کی ٹیم اب تک 19 میچز میں صرف21 پوائنٹس کے ساتھ مسلسل تنزلی کی جانب جارہی ہے۔ان کا کہنا تھا کہ شائقین کا انہیں برا بھلا کہنے اور احتجاج کرنے کا پورا حق ہے، وہ بھی اپنی کارکردگی پر شرمندہ ہیں۔دوسری جانب انگلش پریمیئر لیگ میں آرسنل نے نئے سیزن کا شاندار آغاز کیا اور مانچسٹر یونائیٹڈ کو ایک گول سے ہرا دیا۔ میچ کا فیصلہ کن گول 13ویں منٹ میں ریکارڈو کلیفیوری نے اسکور کیا۔