ایڈیشنل اسسٹنٹ کمشنر نوید اختر خان کا تحصیل ہربن بھاشا کا دورہ، ہوٹلز ، دکانوں میں سرکاری نرخنامہ پر عملدرآمد کا جائزہ لیا

بدھ 20 اگست 2025 19:20

کوہستان اپر (اُردو پوائنٹ اخبارتازہ ترین - اے پی پی۔ 20 اگست2025ء) ڈپٹی کمشنر کوہستان اپر طارق علی خان کی ہدایت پر ایڈیشنل اسسٹنٹ کمشنر نوید اختر خان نے تحصیل ہربن بھاشا کا تفصیلی دورہ کیا۔ دورہ کے دوران انہوں نے مختلف ہوٹلز اور دکانوں میں صفائی کی صورتحال، اشیائے خوردونوش کے نرخنامہ اور ان پر عملدرآمد کا جائزہ لیا۔ انہوں نے دکانداروں کو سختی سے ہدایت کی کہ وہ سرکاری نرخوں پر اشیاءکی فروخت کو یقینی بنائیں اور صفائی کے معیار کو بہتر بنائیں۔

(جاری ہے)

اے اے سی نے ہوٹل مالکان کو صفائی میں بہتری لانے کیلئے وارننگ جاری کی اور کئی مقامات پر نرخنامہ آویزاں نہ ہونے پر نوٹس بھی دیئے۔ اس کے علاوہ فارسٹ چیک پوسٹ پر عملہ کی حاضری چیک کی گئی، پٹرول پمپ کی بھی جانچ پڑتال کی گئی اور موجود اہلکاروں کو اپنی ڈیوٹی احسن طریقہ سے انجام دینے کی تلقین کی گئی۔ انہوں نے کہا کہ انتظامیہ کا مقصد عوام کو بہتر سہولیات کی فراہمی اور حکومتی رٹ کا نفاذ ہے، خلاف ورزی کرنے والوں کے خلاف سخت کارروائی عمل میں لائی جائے گی۔