ٹرانسپورٹ خدما ت کی برآمدات میں گزشتہ مالی سال کے دوران سالانہ بنیادوں پر26فیصد کا نمایاں اضافہ

جمعرات 21 اگست 2025 15:08

اسلام آباد (اُردو پوائنٹ اخبارتازہ ترین - اے پی پی۔ 21 اگست2025ء) ٹرانسپورٹ خدما ت کی برآمدات میں گزشتہ مالی سال کے دوران سالانہ بنیادوں پر26فیصد اضافہ ریکارڈکیا گیا ہے۔سٹیٹ بینک کی جانب سے جاری اعدادوشمارکے مطابق مالی سال 2025میں ٹرانسپورٹ خدمات کی برآمدات سے ملک کو969ملین ڈالر زرمبادلہ حاصل ہوا جو گزشتہ مالی سال کی اسی مدت کے مقابلے میں 26فیصد زیادہ ہے۔

گزشتہ مالی سال کی اسی مدت میں ٹرانسپورٹ خدمات کی برآمدات سے ملک کو768ملین ڈالر زرمبادلہ حاصل ہوا تھا۔

(جاری ہے)

جولائی میں ٹرانسپورٹ خدمات کی برآمدات کا حجم 79ملین ڈالر ریکارڈ کیا گیا جوگزشتہ سال جولائی کے مقابلے میں 22فیصد زیادہ ہے ۔ گزشتہ سال جولائی میں ٹرانسپورٹ خدمات کا حجم 65ملین ڈالر ریکارڈ کیا گیا تھا۔ جون کے مقابلے میں جولائی میں ٹرانسپورٹ خدمات کی برآمدات میں ماہانہ بنیادوں پر5فیصد کا اضافہ ہوا۔ جون میں ٹرانسپورٹ خدمات سے ملک کو75ملین ڈالر کا زرمبادلہ حاصل ہواتھا۔ واضح رہے کہ گزشتہ مالی سال کے دوران خدمات کے شعبے کی مجموعی برآمدات کا حجم 8.383ارب ڈالر ریکارڈ کیا گیا جو پیوستہ سال کے 7.691ارب ڈالر کے مقابلے میں 9فیصد زیادہ ہے۔