جے ایس بینک کو مالی سال2025 کی پہلی ششماہی میں 3.488 ارب روپے کا قبل از ٹیکس منافع : کرنٹ ڈپازٹس 200 ارب روپے سے تجاوز کر گئے

کراچی (اُردو پوائنٹ اخبارتازہ ترین - این این آئی۔ 23 اگست2025ء)پاکستان کے تیزی سے ترقی کرنے والے بینکوں میں سے ایک، جے ایس بینک لمیٹڈ نے مرخہ 30 جون،2025 کو ختم ہونے والی پہلی ششماہی کے لیے مالی نتائج کا اعلان کر دیا ہے۔ اس عرصے میں بینک نے مجموعی آمدنی میں مستحکم اضافہ برقرار رکھا، جس کے تحت کل آمدنی 21.367 ارب روپے تک پہنچ گئی، جو گزشتہ سال،اسی مدت کے دوران ،حاصل کردہ 19.354 ارب روپے کے مقابلے میں 10 فیصدعمدہ اضافہ ظاہر کرتی ہے۔

اس مدت کے دوران،بینک نے 3.488 ارب روپے کا قبل از ٹیکس منافع حاصل کیا جوگزشتہ سال کی اسی مدت کے دوران حاصل کردہ 5.447 ارب روپے کے مقابلے میں کم ہے۔ اس کمی کی بنیادی وجوہات میں زرمبادلہ کی صورت میں ہونے والی آمدنی میں کمی اور کریڈٹ کی صورت میں ہونے والے نقصانات کے لیے زیادہ رقم کا مختص کرناشامل ہیں جو گزشتہ سال کے مقابلے میں زیادہ تھی۔

(جاری ہے)

تاہم، زرمبادلہ کی صورت میں ہونے والی آمدنی میں کمی کو موجودہ مدت کے دوران حاصل کردہ سرمایہ سے حاصل ہونے زیادہ منافع سے کافی حد تک متوازن کیا گیا۔اجتماعی بنیادوں پر، جے ایس بینک لمیٹڈ نے 5.324 ارب روپے کا بعد از ٹیکس منافع کا اعلان کیا ہے جو گزشتہ سال ،اسی مدت کے دوران، حاصل کردہ 9.703 ارب روپے کے مقابلے میں نمایاں طور پر کم ہے۔اس مدت کی ایک اہم اور نمایاں بات جے ایس بینک کا کرنٹ اکانٹ ڈپازٹس میں 200 ارب روپے سے تجاوز کرنا تھا، جس نے اسے ایک قابلِ اعتماد مالی شراکت دار کے طور پر مزید مضبوط کیا۔

کرنٹ اکانٹس اب بینک کے مجموعی ڈپازٹ بیس کا نمایاں حصہ بن چکے ہیں، جن کا تناسب 40 فیصد سے زائد ہے۔ یہ نہ صرف بینک کی لیکویڈیٹی کو سہارا دیتے ہیں بلکہ فنڈز کی مجموعی لاگت کو بھی کم کرتے ہیں۔آپریٹنگ اخراجات میں اضافہ بینک کی جانب سے افرادی قوت، ٹیکنالوجی، اور انفراسٹرکچر میں مسلسل سرمایہ کاری کے نتیجے میں ہوا، جس کا مقصد طویل مدتی ترقی کو فروغ دینا اور صارفین کے تجربے کو بہتر بنانا تھا۔

جے ایس بینک کے صدر اور چیف ایگزیکٹو آفیسر، باسر شمسی نے ان نتائج پر تبصرہ کرتے ہوئے کہا: جے ایس بینک ہمیشہ آمدنی کے تنوع کو مضبوط بنانے اور لچک پیدا کرنے پر توجہ دیتا رہا ہے۔ نان مارک اپ آمدنی اور سیکیورٹیز سے حاصل شدہ منافع میں عمدہ اضافہ ہماری حکمت عملی کے مثر ہونے کا ثبوت ہے۔ کرنٹ اکانٹ ڈپازٹس میں 200 ارب روپے کا حصول ہماری ترقی کے سفر میں ایک اور اہم سنگ میل ہے۔ آگے بڑھتے ہوئے، ہم اپنے دائرہ کار کو وسعت دینے، ڈیجیٹل کواپنانے کے عمل کو فروغ دینے، اور اپنے صارفین و اسٹیک ہولڈرز کے لیے پائیدار قدر پیدا کرنے کے لیے پرعزم ہیں۔