صوابی میں بارشوں اور کلاؤڈبرسٹ سے 27 گھر مکمل تباہ، 42 افراد جاں بحق

متاثرہ علاقے میں ریسکیو آپریشن مکمل کرلیا گیا ہے‘ڈپٹی کمشنر صوابی کی بات چیت

جمعرات 21 اگست 2025 15:38

صوابی (اُردو پوائنٹ اخبارتازہ ترین - این این آئی۔ 21 اگست2025ء) خیبر پختونخوا کے ضلع صوابی میں بارشوں اور کلاؤڈبرسٹ کے نتیجے میں 42 افراد جاں بحق ہوگئے۔صوابی کے گاؤں دالوڑی بالا میں کچھ روز قبل کلاؤڈبرسٹ کے نتیجے میں 17 گھر مکمل طور پر تباہ ہو گئے تھے،تباہ حال گھروں میں 40 افراد ملبے کے نیچے دب گئے تھے۔ڈپٹی کمشنر صوابی نصراللہ نے جیو نیوز سے کی گفتگو کے دوران بتایا کہ ’متاثرہ علاقے میں ریسکیو آپریشن مکمل کرلیا گیا ہے،ملبے سے 40 لوگوں کو نکالا گیا ہے جس میں 37 لاشیں اور3 زخمی شامل ہیں‘۔

(جاری ہے)

ڈپٹی کمشنر کے مطابق ’سرکوئی پایاں میں بھی کلاؤڈبرسٹ کی وجہ سے 4 افراد جاں بحق ہوئے تھے جب کہ ایک نوجوان کرنل شیر ندی کے مقام پر سیلابی ریلے بہہ گیا تھا جس کی لاش گزشتہ روز ریسکیو ٹیموں نے نکالا‘۔ڈپٹی کمشنر کا کہنا تھا کہ ’ضلع صوابی میں بارشوں اور کلاؤڈبرسٹ سیمجموعی طور پر 42 اموات ہوئی ہیں، کلاؤڈبرسٹ سے دالوڑی بالا میں 17 گھر،سرکوئی میں ایک گھر مکمل طور پر تباہ ہوا جب کہ مجموعی طور پر 27 گھروں کو نقصان پہنچا ہے، متاثرہ علاقے دالوڑی بالا میں بحالی کا کام جاری ہے‘۔