وزیر اعظم سے ڈاکٹر خالد مقبول صدیقی کی ملاقات ،ملک کی مجموعی و سیاسی صورتحال پر تبادلہ خیال

جمعرات 16 اکتوبر 2025 20:58

اسلام آباد (اُردو پوائنٹ اخبارتازہ ترین - این این آئی۔ 16 اکتوبر2025ء) وزیراعظم محمد شہباز شریف سے کنوینر متحدہ قومی موومنٹ وزیر وفاقی تعلیم و فنی تربیت ڈاکٹر خالد مقبول صدیقی نے قیادت میں وفد کی ملاقات کی جس میں ملک کی مجموعی و سیاسی صورتحال پر تبادلہ خیال کیا گیا ۔وفد میں گورنر سندھ کامران خان ٹیسوری، اراکین قومی اسمبلی ڈاکٹر محمد فاروق ستار ،امین الحق اور جاوید حنیف شامل تھے ۔

(جاری ہے)

وزیراعظم نے کہاکہ وفاقی حکومت کے تحت جاری ترقیاتی منصوبوں کی بروقت تکمیل ہماری ترجیحات میں شامل ہے ۔وفد نے غزہ امن معاہدے کے حوالے سے پاکستان کی کاوشوں پر وزیراعظم کو خراج تحسین پیش کیا ۔ملاقات میں نائب وزیر اعظم و وزیر خارجہ اسحاق ڈار ،وفاقی وزیر منصوبہ بندی احسن اقبال ، وفاقی وزیر ہاؤسنگ ریاض حسین پیر زادہ، وفاقی وزیر پبلک افیئرز یونٹ رانا مبشر اقبال اور مشیر وزیراعظم برائے سیاسی امور رانا ثناء اللہ بھی موجود تھے۔