لاہور میں ٹریفک کنٹرول کرنے کیلئے ڈرون ٹیکنالوجی استعمال ہوگی

جمعرات 21 اگست 2025 22:15

لاہور (اُردو پوائنٹ اخبارتازہ ترین - اے پی پی۔ 21 اگست2025ء) سیف سٹی حکام لاہور نے شہر میں بے ہنگم ٹریفک اور ٹریفک جام پرفوری رسپانس کیلئے ڈرون استعمال کرنے کافیصلہ کرلیا،جس کے تحت شہر کی معروف اور مصروف شاہراہوں کی مانیٹرنگ کے لیے ڈرون کیمرے استعمال کئے جائیں گے،ابتدائی طور پر ماہ ستمبر سے10ڈرون کیمروں سے ٹریفک جام رہنے کی مانیٹرنگ کی جائے گی۔

(جاری ہے)

سیف سٹیز حکام کے مطابق ستمبر کے آخر میں ڈرون کیمروں سے مانیٹرنگ کا آغاز ہو جائے گا،ڈرون ٹیکنالوجی وارڈنز کے ایل ٹی ہینڈ سیٹس سے منسلک ہوگی،ڈرونز کی نشاندہی پر وارڈنز بروقت موقع پر پہنچ کر ٹریفک روانی یقینی بنائیں گے،ڈرون کیمروں سے مانیٹرنگ کے ذریعے ٹریفک مسائل کم ہوں گے،ڈرون کیمروں کی تعداد بڑھا کر شہر بھر کی مانیٹرنگ کی جائے گی۔