چین، زیر تعمیر پل کی کیبل ٹوٹنے سے 4 افراد ہلاک، 12 لاپتہ

جمعہ 22 اگست 2025 10:30

بیجنگ (اُردو پوائنٹ اخبارتازہ ترین - اے پی پی۔ 22 اگست2025ء) چین کے صوبے چِنگھائی میں سِچوان-چِنگھائی ریلوے کے چِنگھائی حصے میں زیر تعمیر پل کی کیبل ٹوٹنے سے 4 افراد ہلاک اور 12 لاپتہ ہوگئے۔

(جاری ہے)

شنہوا کے مطابق متعلقہ محکمے نے بتایا کہ حادثہ جمعہ کی صبح 3بجے پیش آیا ،واقعے کے بعد سرچ اینڈ ریسکیو آپریشن جاری ہے۔یہ پل دریائے زرد (یلو ریور) پر سٹیل ٹرس آرچ ڈھانچے کے ساتھ تعمیر کیا جا رہا ہے، جس کا مرکزی حصہ رواں ماہ کے آخر تک مکمل ہونے کی توقع تھی۔